In nawatlahtolli ipan interkoltoral tlamachtilistli itech Veracruz: owihkayotl iwan chikawakayotl
Reseña
Inin amoxtli kihtowa tlen axkan mochiwa ipan Universidad Veracruzana ihkuak temachtianimeh inwan momachtianimeh ye opehkeh kinchikawaltiah masewaltlahtolmeh. Ihkin nikan monextia chiknawi amatlahkuilolli ika eyi tlaxelihkayotl tlen techixpantilia tlatemolistli itechpa interkoltoralyotl iwan tlamachtihkayotl (tlahtolli iwan nemilistli), tlamachtilli iwan yankuik tetlamachtilistli ipan Interkoltoral Weitlamachtiloyan tlen Veracruz, iwan in innemilis momachtianimeh tlen interkoltoral tetlamachtilistli, akinmeh ye okiskeh onkan Interkoltoral Weitlamachtiloyan. Ihkin Carlos Octavio Sandoval, Gunther Dietz, Daisy Bernal, Rafael Nava, Jacinta Toribio, Jaime Mondragón, Miguel Figueroa Saavedra iwan Jesús Alberto Flores techpowiliah ken nawatlahtolli nesi, motekiwia ipan weitlamachtiloyan noiwan tekipan, altepepan. Ihkin inin amoxtli kipalewis akin kineki tekitis ika nawatl noso kineki kimatis kenin interkoltoral weyi tetlamachtilistli weliti kiweyitia masewaltlahtolli, masewalnemilistli.